ازاي تحول فكرتك لتطبيق موبايل!

مافيش شك إن اعتماد مختلف أنواع ومجالات  البيزنس على تطبيقات الموبايل بيزيد يوم بعد يوم..

ومع زيادة استخدام الموبايل في حياتنا ، بتتخلق فرص كبيرة إن تطبيقات الموبايل تكون هي المنصات الأكثر تأثير في الفترة الجاية..

لكن السبب الحقيقي في الأهمية اللي بتزيد لتطبيقات الموبايل بالشكل ده هو سهولة التعامل معاها وبالتالي بتسهل على رجال الأعمال إدارة أعمالهم والتواصل مع العملاء وتسويق المنتجات أو الخدمات اللي بيقدموها..

ده السبب في ارتفاع معدل نتيجة محرك البحث عن “كيفية إنشاء تطبيق جوّال” ، أو ” تكلفة إنشاء تطبيق جوال” ، أو ” شركات تطوير تطبيقات موبايل”… إلخ

إذا كنت رجل أعمال طموح وعندك رغبة انك تواكب التكنولوجيا لكن مش عارف منين تبدأ فا احنا هنا عشان نساعدك في اتخاذ القرار..

خاصة لو عندك فكرة ومحتاج تحولها لتطبيق موبايل لكن مش عارف ازاي فهنا هتلاقي الخطوات اللي هتساعدك وترتب لك أفكارك :

  1. اكتب فكرتك..



    ما تستهونش بفكرتك .. حتى لو فكرة بسيطة ممكن تطورها و تحلل نقاط قوتها وضعفها وتحاول تحسن فيها عشان توصل بيها لأحسن صورة منها ممكن تتطبق وتتحول لحقيقة.. لكن راعِ ان فكرتك المفروض تحل مشكلة أو بتسهل على مجموعة أو فئة من الناس حياتهم .. من هنا ممكن تشكل فكرتك وتطور فيها وتبنيها بشكل أكبر وأوضح.

  2.  حلل السوق..

    الخطوة التانية على طول هي انك تعمل بحث شامل عن السوق .. هل فكرتك مبتكرة ولا موجودة بالفعل؟ .. ولو موجودة فا انت عندك ايه مميزات وعيوب عن التطبيقات اللي في السوق واللي بتمثل الفكرة.. اتأكد من انك مستعد للنزول للسوق وانك مش مجرد تقليد لمنافس موجود بالفعل.. ويفضل انك في الخطوة تلجأ لشركات متخصصة في تحليل السوق وتطوير تطبيقات مرموقة..

  3. اعرف العميل بتاعك..

    انت بتقدم الخدمة بتاعتك أو المنتج بتاعك لمين؟!..
    لازم تكون عارف سمات شخصية العميل بتاعك اللي انت عايزه أو اللي هيبقى محتاجك جدا وشغلك هيفرق معاه.. اعرض التفاصيل المميزة ليه وايه اللي بيفضله  وهتلاقيه فين ، وعلى الأساس ده ممكن تبني استراتيجية تساعدك في الوصول إليه بأفضل طريقة..

  4. اعمل قائمة بالمميزات..

    بعد ما عرفت العميل بتاعك وحددت سماته ومكان تواجده حدد مميزات التطبيق بتاعك .. جرب وخلي ميزاتك سهلة الاستخدام قدر الإمكان. وبالشكل ده ، هتتمكن من تحقيق الدخل من تطبيقك للموبايل  باستخدام الميزات.
    من الأفضل البدء بأكثر الميزات قابلية للتطبيق أولاً ثم التخطيط للميزات المتقدمة فيما بعد.

  5. حدد استراتيجية..

    مع وجود العديد من خطط والاستراتيجيات اللي من خلالها ممكن تطبيقك يحقق لك عائد مالي  ، حدد الخطة اللي ممكن تحقق لك العائد ده من خلال تطبيقك .. ممكن تكون الاستراتيجية هي فرض رسوم على المستخدمين مقابل الخدمة اللي بيستفيدوا منها من تطبيقك، وممكن تختار خطة تانية بتوفير مجموعة إضافية من المميزات بحيث تحصل رسوم من المستخدمين على أساس الاشتراك..

  6. إنشاء النماذج الأولية..


    أنشئ نموذج مصغَّر ودون أفكار التصميم الخاصة بك. أنشئ قائمة بمتطلبات تطوير تطبيقات الموبايل  واعرف ازاي هتجذب المستخدمين لتطبيقك ..

  7. ابحث عن شركات تطوير تطبيقات الموبايل ..


    الخطوة الأكثر أهمية..  لأن شركات تطوير تطبيقات الموبايل في السوق أصبحت كتير فالاختيار بيكون مش سهل وبيحتاج لحكمة .. اطلب النصيحة من مصادر حقيقية وحاول تقارن بين عدد قليل من الشركات عشان تمنع عنك التشتت .. تواصل معاهم بشكل مباشر وشارك متطلباتك معاهم واختبر قدراتهم وإمكاناتهم على تحقيقها، وقرر معاهم إذا كنت هتنشئ التطبيق معاهم أو لأ .. خليك واضح فيما يخص الجداول الزمنية والتسليم والجودة ..

  8. تقدير تكلفة بناء التطبيق..


    خطوة أخرى مهمة  وهي معرفة تكلفة بناء تطبيق الموبايل . في حين أن بعض الشركات  ممكن توفر لك تكلفة مخفضة وخبرة أقل ، إلا ان بعض الشركات ممكن توفر لك خبرة أكبر وتنفيذ بجودة أعلى واحترافية .. وده كله بيعتمد في النهاية على فهمك لمتطلباتك بوضوح وعلى وفاء الشركة بتحقيق متطلباتك في المدة الزمنية المتفق عليها .. وأخيراً ، أثناء تطوير تطبيق الموبايل ، تكمن مهمتك في تقييم جميع الإيجابيات والسلبيات المحتملة. ومع ذلك ، فالجزء المهم هو وضع تصور لفكرتك وارتباطها بالعملاء المستهدفين.أهم شيء لازم وضعه في الاعتبار  أثناء إنشاء تطبيق موبايل هو ان الهدف من التطبيق  الحفاظ على المستخدمين النهائيين . بالطريقة دي هتتمكن من تقديم خدمة عالية الجودة لمستخدميك.

    ودلوقتي .. بتدور على شركة تطوير تطبيقات موبايل؟

    أكيورا جروب بتساعدك في تحويل فكرتك لتطبيق موبايل وكمان لموقع الكتروني بكفاءة واحترافية وجودة عالية ..

    كلمنا على الارقام دي و هنكون جاهزين لمساعدتك :

    01101112165
    0502253054

     

2 تعليقات

اترك تعليقك
  1. اضافة رد

    مساء الخير
    الموضوع جميل جدا
    بس ممكن اعرف التكاليف ودي باردو بتبقى نقطه مهمه وهل ممكن شركتكم تتكفل بمصاريف التطبيق مقابل نسبه بالشركة مرضيه بين الطرفين بعد الاتفاق
    شكرا لكم

    1. اضافة رد

      صباح الخير أستاذ محمود
      ممكن طبعا .. حضرتك ارسل لنا رقم تليفونك للتواصل ومعرفة التفاصيل والأسعار لأنها بتختلف حسب التطبيق وتفاصيله

اترك تعليقك

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

راسلنا